I pirati a Palermu

Текст песни Rosa Balistreri - I pirati a Palermu

I pirati a Palermu Lyrics[Testo di "I pirati a Palermu"]

Arrivaru li navi
Tanti navi a Palermu
Li pirati sbarcaru
Cu li facci di 'nfernu
N'arrubbaru lu suli, lu suli
Arristammu a lu scuru
Chi scuru
Sicilia chiangi!
Tuttu l'oru all'aranci
Li pirati arrubbaru
Li campagni spugliati
Cu la neglia lassaru
N'arrubbaru lu suli, lu suli
Arristamu a lu scuru
Chi scuru
Sicilia chianci!
Li culura dô mari
N'arrubbaru chi dannu
Su' 'mpazzuti li pisci
Chi lamentu chi fannu
N'arrubbaru lu suli, lu suli
Arristammu a lu scuru
Chi scuru
Sicilia chianci!
A li fimmini nostri
Cci scipparu di l'occhi
La lustrura e lu focu
Ca addumava li specchi
N'arrubbaru lu suli, lu suli
Arristammu a lu scuru
Chi scuru
Sicilia chianci!