Quann'a nera limousine
Se ferma 'nnanz' all'hotel
Sulo 'nu scialle blu marine
Copre 'e spalle mie ro lampo re flash
"Stella nascente, 'na nuova Sophia"
Dice tutta chella gente
Che sulo aiere me steva a cunsiglià:
"Guagliuna, 'stu mestiere tu no puo' fa'"
Si bella, sana, 'na vongola verace
'A nota giusta 'ncoppa 'a melodia
A Hollywood so' cchiù sofisticate
E tu si figlia d'a guapparia
Gente che nun merita rispetto
Che mo' me viene a ricere:
"I' te l'avive ritto"
'Nu brindisi a Sophia, musica musicante!
Hanno 'a sciatta' 'ncuorpo tutte quante!
Ra luntano e guardo divertita
Nu gesto ca mano, 'o bicchierino è servito
'E sputo 'nfaccia co tutto 'o mio rispetto
Hanno pure a paga' qualche prezzo
'A favola è sempre, sempre 'a stessa
A cenerentulella s'è fatta principessa
'E principe azzurre so' diventate tante
Hanno 'a sciatta' 'ncuorpo tutte quante!
Hanno 'a sciatta' 'ncuorpo tutte quante!
Ma 'o cchiù bello premio pe' 'na carriera
È l'affetto d'a gente, chella vera
Chella ro paese che me chiamma per nome
Che me sceta 'e notte, che fa confusione
E jesce da 'na fiera e va a 'na processione
Che chiamma d'a piazza: Sophia, o barcone!
Comm'a Maronna 'nmezzo a tutte 'e sante
Hanno 'a sciatta' 'ncuorpo tutte quante!
Hanno 'a sciatta' 'ncuorpo tutte quante!
