Bolalik zo'r bo'lardi
Sovuq suv ichsam, onam urardi
Dod yig'lab qochardim
Jahl qilsam hamma kulardi
Bolalik zo'r bo'lardi
Yiqilsam, yugurib otam kelardi
Bir erkalab o'pardi
Yiqilganim shu on unutardim
Eslayman o'sha damlarni
Burchakka bekinib devorga chizardim
O'yinchoqlarim faqat buzardim
Yangi yilda kuni bo'yi archa bezardim
O'sha eski bog'cha, opam uxlamoqchi
Men esa qochmoqchiman, qizlar aytmoqchi
Lekin baribir qochardim, befoyda ushlash
Hech kimga yoqmasdi "obed"da uxlash
Hamma yasardi pistolet "buxanka"dan
Bekinmachoq o'ynaganda qochardik bir chekkadan
O'ynardik "don-don-ziki" bitta chertkidan
Varraklar yasardik "Aygen" paketlardan
Hayajonli xotiralar: maktabda ilk kun
Tayoqcha chizishni o'rgandim 3 kun
Ustozim kirganda aytardik jo'r bo'lib
"Assalomu alaykum!"
Har kun tayyorgarlik, Alifbe bayrami
A harfi tushgandi she'r yodlagani
Qizlarning salonga ilk bor kirgani
Onalar pul yig'ardi video chaqirgani
Sinfdoshim edi birinchi sevgim
Hozir ham qiziq, goh kelar ko'rgim
O'sha onlarni kelar qaytargim
Sog'indim bugun yoshligim
Futbol o'ynardik chiqib o'qishdan
Darvoza bo'lardi yarimta g'ishtdan
Charchab esladim bugun chiqib ishdan
O'ynarman ertaga, bo'shab tashvishdan
Vaqt tez o'tarkan, ulg'aydik ancha
Ko'rsatdi onamning oqargan sochi
Oqlayman otamning hamma ishonchin
Ishladi bizlar uchun charchagancha
Hech biri savmadi onam sevgancha
Hech kim berolmadi otam bergancha
Ko'p adashdim tushunib yetgunimcha
Turing yonimda dunyo turgancha
Bolalik zo'r bo'lardi
Sovuq suv ichsam, onam urardi
Dod yig'lab qochardim
Jahl qilsam hamma kulardi
Bolalik zo'r bo'lardi
Yiqilsam, yugurib otam kelardi
Bir erkalab o'pardi
Yiqilganim shu on unutardim
