Hum Tum Yug Yug Se

Текст песни Lata Mangeshkar - Hum Tum Yug Yug Se

Hum-tum yug-yug se yeh geet milan ke
Gaate rahe hain, gaate rahenge
Hum-tum jag mein jeevan-saathi ban ke
Aate rahe hain, aate rahenge

Hum-tum yug-yug se yeh geet milan ke
Gaate rahe hain, gaate rahenge
Hum-tum...

Jab-jab hum ne jeevan paaya
Jab-jab yeh roop saja, sajna
Har baar tumhin ne maang bhari
Tum ne hi pehnaaye kangna

Hum phool bane ya raakh hue
Par saath nahin chhoota apna
Har baar tum hi tum aan base
In aankhon mein ban ke sapna

Hum-tum yug-yug se yeh geet milan ke
Gaate rahe hain, gaate rahenge
Hum-tum...

Saawan mein jab kabhi bhi
Yeh baadal gagan pe chhaaye
Bijlee se darr gaye tum
Darr kar qareeb aaye

Phir kya hua batao?
Barsaat tham na jaaye
Barsaat tham na jaaye

Yug-yug se yeh geet milan ke
Gaate rahe hain, gaate rahenge
Hum-tum...

Jag yeh bandhan na tod saka
Hum tod ke har deewaar mile
Iss janam-janam ki nadiya ke
Iss paar mile, uss paar mile

Bhagwan ne poochha, "Maango toh
Tum ko saara sansaar mile"
Par hum ne kaha, "Sansaar nahin
Hum ko saajan ka pyaar mile"

Hum-tum yug-yug se yeh geet milan ke
Gaate rahe hain, gaate rahenge