Uçan Oğlan (feat. Mc Virus & Uşaq Xoru)

Текст песни Promete - Uçan Oğlan (feat. Mc Virus & Uşaq Xoru)

Biz əlimizdə olanların dəyərini ancaq təhlükə olanda hiss edirik
Elə bizə öyrədilən adi duanın da dəyəri birə beş artır
Allahı da daha çox yada salmağa başlayırıq
Hah, qəribədir
Belə baxanda insan üçün ən təhlükəli
Şey onu ölümə yaxınlaşdıran yaşamaqdır

Hündür mərtəbəli bina
Burdan hər şey ovuc içindəki boyda
Həyatdan doymaq çətindir
Amma burda durub doymuş bir oğlan
O fikirləşir sonuncu dəfə
Bəlkə də elə ilk dəfə fikirləşir
Bütün olanı, keçəni tərk etmək üçün
Bul bacanı, küçəni

Əllərini iki yana açır, uçur, uçur
Gözləyir onu aşağıda ölüm köçür
Əllərini iki yana açır, uçur, uçur
Gözləyir onu aşağıda ölüm köçür

Boş parklar, mən oturacam
Bir gün sənə də dost olacam
Tək-tənha sən bu şəhərdə
Sanki Ən kövrək uşaq

Hər şey gözünün önündən keçir
Sanki 35 mm-lik lent
Həyat lərində yığışıb, dost tanışıb
Qurulub çadır, tent
Onu çağıır, buna toxunur
Amma elə bil ki, ona fikir verən yox
Niyə ona belə saymamazlıq edir hamı?
Axı pis nə edib görən o?

Əllərini iki yana açır, çığır, bağır
Gözləri sanki bulud yağır, yağış yağır
Nəyisə dəyişib, maraq, şübhə, qorxu
Bədəni yüngülləşib, fikir ağır, ağır

Boş parklar, mən oturacam
Bir gün sənə də dost olacam
Tək-tənha sən bu şəhərdə
Sanki Ən kövrək uşaq

Yadına düşür
Axırıncı dəfə bura gəlməyindən 7 gün keçib
İlk dəfə bu dama gələndə
Kim olacağına qərar verib özün seçib
Ağırlıqla dolu həyatında çox ağırlığa dözüb keçib
Amma sonda bezib yenə durub gəlib, ölüm seçib, uçub

Əllərini iki yana açır, uçur, uçur
İnsanlardan uzağa qaçır, gedib, köçür
Tək deyir, dost deyir özünə kimsəsiz gecələrdə tək-tənha
Vaxtı boş oturacaqlı parklarda səssiz keçir

Boş parklar, mən oturacam
Bir gün sənə də dost olacam
Tək-tənha sən bu şəhərdə
Sanki Ən kövrək uşaq
Boş parklar, mən oturacam
Bir gün sənə də dost olacam
Tək-tənha sən bu şəhərdə
Sanki Ən kövrək uşaq

Mən də böyüyəndə uçmağı öyrənəcəm
Hündürdən uçmağı
Lavquşlar kimi