فى جواية خوف

Текст песни Abd El Basset Hamouda - فى جواية خوف

يا ليل، يا ليل، يا ليلي، يا ليلي، يا ليلي
ما بقيتش عارف، أنا ما بقيتش عارف
ما بقيتش عارف إيه اللي لازم أعمله
على حيلي واقف بس في جوايا خوف
الدب فيا هدني ومتحمله

وبعيش حياتي كل يوم حسب الظروف
لا أنا قادر أختار سكتي ولا دنيتي
تعبان وفاض بيا خلاص عمال بموت
طب أعمل إيه، أعمل إيه، أعمل إيه علشان أعدي شدتي
مطحون ومن غير حتى ما يطلعلي صوت

مضطر أعيد حساباتي واللي جيه عليا
هيشوف قصاده وش تاني غير زمان
مضطر أعيد حساباتي واللي جيه عليا
هيشوف قصاده وش تاني غير زمان
الطيبة مش نافعة خلاص في الدنيا ديه
ومن النهاردة الخير في قلبي مالوش مكان

ما هو غصب عني مش بكيفي الإختيار
الناس ماهيش عايزة اللي يعمل ليها خاطر
أنا كنت راضي وكنت عايش جوه داري
لكن الحياة عايزة اللي يتعامل وقادر

أنا عشت طيب عمري ما عرفت الأذية
وعشان سكتت لقيتني شارب من المرار
مخنوق وجنب الحيط مشيت بدموع عينيا
والحزن كان جوايا بايت ليل نهار

بس الحياة بالصح باين خسرتني
خليتني أكره نفسي وأغير ملامحي
جايز غلطت كتير في دنيا غفلتني
وسابتني غرقان بين همومي وجوه جرحي

مضطر أعيد حساباتي واللي جيه عليا
هيشوف قصاده وش تاني غير زمان
مضطر أعيد حساباتي واللي جيه عليا
هيشوف قصاده وش تاني غير زمان
الطيبة مش نافعة خلاص في الدنيا ديه
ومن النهاردة الخير في قلبي مالوش مكان

ما هو غصب عني مش بكيفي الإختيار
الناس ماهيش عايزة اللي يعمل ليها خاطر
أنا كنت راضي وكنت عايش جوه داري
لكن الحياة عايزة اللي يتعامل وقادر