La Sicilia havi un patruni

Текст песни Rosa Balistreri - La Sicilia havi un patruni

La Sicilia havi un patruni Lyrics[Testo di "La Sicilia havi un patruni"]

La Sicilia havi un patruni
Un patruni sempri uguali
Ca la teni misa 'ncruci
E cci canta 'u funerali
La Sicilia havi un guvernu
Un guvernu taliànu
Cu la furca a lu capizzu
E la corda 'nta li manu
La Sicilia havi una patria
Chi la stringi 'nta li vrazza
Ma nzammài dumanna pani
Finci 'i dallu e tannu ammazza
La Sicilia è spupulata
Un disertu ogni paisi
Vecchi e cani 'nta li strati
Picciriddi scàvusi misi
Li picciotti sunnu fora
Ca li vrazza l'hannu sani
Ma lu patri taliànu
Si vinnìu p’un pezzu di pani
La Sicilia è addummisciuta
Dormi un sonnu di li morti
Ed aspetta mentri dormi
Chi canciassi la so sorti
Ma la sorti nun è ostia
Nun è grazia di li santi
Si cunquista cu la forza
'Nta li chiazzi e si va avanti
Si cunquista cu la forza
'Nta li chiazzi e si va avanti
Povira terra mia
Comu si po' campa'
Povira terra mia
Comu si po' campa'