Si lakansyel te gen vwa
Si lakansyel te ka chante
Se tankou Lumane li ta chante
Kote Lumane pran lavwa
Se yon toubiyon ki leve
Mande pye palmis yo danse
Epok sa se nan tan bisantnè
Si ou fet avanyè
Ou p'ap ka konnen
Kijan ayisyen te fou pou li
Kijan yo te renmen:
Lumane Casimir
Yon tifi
Yon ti kòmè pwovens
Ki vini pòtoprens ki vinn cheche lavi
Yon tifi
San zanmi san fanmi
Yon gita anba bra'l ak yon lespwa nan vwa'l
Le'l kanpe, le'l kanpe pou'l chante
Rosinyol k'ap pase vinn poze pou tande'l
Se konsa, de twa jou pa pase, nan lakou bwa vèna se de li y'ap pale
Nan yon ti kay san limyè
Ki te nan lakou fò senklè
De yon tifi ki pwatrinè
Se la yo vinn remize'l
Gen yon sel moun k'ap okipe'l
Men se pa tou lè jou'l vini
Se de twa timoun nan vwazinaj, ki konn fe ti koutay, pou ba li manje
Men fo'w konnen, se yon denye zanmi, se yon denye fanmi
Lumane Casimir
Le'l mouri
Anteman'l ap chante
Tout moun li te sevi yo youn pa prezante
E se te yon jounen san soley
Syel l'an t'ape kriye, tout nyaj yo te an dèy
Pye lorye, ki te sou plas Sent Ann
Yo pliye, yo panche pou yo salye Lumane
E nan van, nan van ki t'ap pase
Gen moun ki fe sèman yo tande'l ap chante:
Papa Gèdè bel gason
Gèdè Nibo bel gason
Abiye tout an blan, pou l'al monte o palè
Papa Gèdè bel gason
Gèdè Nibo bèl gason
Abiye tout an blan, pou l'al monte o palè
Le'l abiye tout an blan
Li sanble yon deputé
Le'l abiye tout an nwa
Li sanble yon senatè
Le'l abiye tout an blan
Li sanble yon deputé
Le'l abiye tout an nwa
Li sanble yon senatè
Woy Papa Gèdè adje Gèdè Nibo
Woy Papa Gèdè adje Gèdè Nibo
Papa Gèdè bel gason
Gèdè Nibo bel gason
Abiye tout an blan
Pou l'al monte o palè
Papa Gèdè bel gason
Gèdè Nibo bel gason
Abiye tout an blan
Pou l'al monte o palè
(Hey)
Le'l abiye tout an blan
Li sanble yon deputé
Le'l abiye tout an nwa
Li sanble yon senatè
Le'l abiye tout an blan
Li sanble yon deputé
Le'l abiye tout an nwa
Li sanble yon senatè
Woy Papa Gèdè adje Gèdè Nibo
(Anmwey, ayayay)
Woy Papa Gèdè adje Gèdè Nibo
(Hihiiiii)
Woy Papa Gèdè adje Gèdè Nibo(×3)
Papa Gèdè bel gason
